الرئيسية » مجتمع » شفرو ليه الذهب وقطعو ليه لعصب ديال صباعو

شفرو ليه الذهب وقطعو ليه لعصب ديال صباعو

ساعة بريس

زار الكوميدي غسان خاله، الذي تعرض لاعتداء من قبل مجهولين سرقوا منه ستة كيلوغرامات من الذهب.
ومن جهة ثانية، وجه فايسبوكي ابن منطقة خريبكة رسالة إلى مسؤولي الأمن للحد من ظاهرة السرقة.
وكتب: “دراري راه مايمكنش تخيلو المعاناة لي فيها السيد ولا عائلتو ولا ولادو. را واحد الحالة بزاف. هادشي وقع فالطريق من واد زم للسوق ديال مولاي بوعزة نهار السبت ومع ال8 ديال الصباح عاين باين. تعرضو ليهم بطريقة هوليودية ب 3سيارات. حتى بلوكاوهم ونزلو ليهم 2 من كل طوموبيل بالجناوا والحديد. فحين السي سعيد (لي فتصاور) هو وصاحبو كانو عزل ماعندهوم باش يدافعو على راسهم. المهم لاخرين دارو مابغاو وخداو كل ما كان عندهم بما في ذلك 6كغ من الذهب، كمية من النقرة والفلوس. وتعداو عليم ديال بصح. السي سعيد مهرس من يديه بجوج وصباعو ب2. قبيلة قبل العاصر عاد خرج من العملية ولي طلعات غالية بحكم السيد مفرشخ وفيه الخدمة بزاف. بطبيعة الحال تطرح مشكل الفلوس ولي مكانتش فيه بزاف الإعانة”.
وتابع: “الإخوان هادشي لي ولا واقع را ماشي معقول. علما أن سعيد كان هرب من محاولة أولى العام لي فات. هرب وسط الأراضي الفلاحية وهما تابعينو عاد موراها رجع للطريق وهرب. الطوموبيل ولات حالتها. أما هاد المرة را التصاور يبينو ليكم شنو واقع”.
وأضاف: “فلإخوان الله يرحم الوالدين لي باغين حنا هو السلطات دير خدمتها وهاد الناس يتشدو ويتعاقبو .. ولي يقد يساعد بشي طريقة باش نوصلو للهدف مايبخلش علينا والله يرحم بيها الوالدين.
وسمحو ليا طولت عليكم أ الإخوان”.

اضف رد

لن يتم نشر البريد الإلكتروني . الحقول المطلوبة مشار لها بـ *

*

ساعة بريس - تصميم مارومانيا